Gerora landuko den plan osoaren lehen fasea da gaurtik aurrera bozkatuko dena. Zerbitzu bakoitzerako kopurua da sei ereduetan aldatzen dena. Adibidez, etxeen kasuan, 90, 107, 118 edo 156 etxe eraikitzearen artean hautatu beharko dute. Ekipamendu eta espazio publikoak ere desberdinak dira. Gainera, oinarri komun bat dago guztietan: izaera publikoko espazioa erreka inguruan hedatuko da, Andra Mari kalea zabalduko da, eta harrobien berreskurapena ere bultzatuko da, besteak beste. Horretarako, ahalik eta lur gutxien erabili gura izan dute, eta herri bizia dute jomuga.
Seirak puntuatu
Endika Jaio alkateak azaldu du jai giroan hasiko dutela gaur galdeketa, eta musika eta pintxoak eskainiko dituzte. Herritarrek sei aukerak puntuatu beharko dituzte, ez bat bakarrik. Gehien gustatzen zaien ereduari sei puntu emango dizkiote, eta puntuazioa beherantz joango da azkenekoari puntu bakarra eman arte. Etxerik etxe banatu duten orriak balioko du botoa emateko.
Udalak abenduko lehenengo astean esango du zein eredu izan den herritarren gustukoena.
Galdeketa egutegia:- Gaur, azaroak 21: 17:30etik 20:30era, plazan. |