Domekarako egun osoko egitaraua prestatu dute. Goizean meza izango da, eta, ondoren, Mallabiko Gazte Alai dantza taldeak erakustaldia eskainiko du. Jarraian, Aratz Igarzabal eta Gorka Imaz bertsolariek abestuko dute, Unai Rodriguez gai-jartzaile dutela. Eguerdian, umeek jolasteko aukera izango dute. Jaien antolatzaileek salda eta txorizoa banatuko dizkiete bertaratzen direnei.
Arratsaldeko egitaraua umeen jolasekin hasiko dute, eta, 18:00etan, Tor magoaren bisita jasoko dute auzoan. Amaitzeko, Agarrera ostera egingo dute denbora mugatuan. Irabazlearentzat saria egongo da.