Beste batzuek, ostera, euren alde… bai, nola esan, alderik… beno, beste batzuek beste alde bat erakusten dute inauterien harira. Baina, aurten, “hauts zara eta hauts bihurtuko zara” esaldiari lotutako liturgiak “hauts zineten eta hauts bihurtu zintuzteten” orbanari egin dio lekua. Txalogarria da koherentzia, eta osasungarria inkoherentzia. Baina, inoiz harririk bota ez duenak bota badezake soilik lehen harria, irakaspen demokratiko gehiagorik ez aurrerantzean, mesedez.
Bi: Txanpona baino objektu zorigaiztokoagorik ez dakit dagoen. Alde batek PSEkula ez du bestea ikusiko. #EuskeraAskatasunez: bai, noski. Barakaldon, Tuteran zein Uztaritzen. Eta nire herriko zinegotzi guztiekin. Inor asaldatu gabe. Euskaraz eta askatasunez bizi nahi dudalako. Beraz, larunbatean, zuok ere Donostian babestu ahalko duzue #EuskeraAskatasunez erabiltzeko eskubidea (17:30ean, Gipuzkoa plazan).
Hiru: “Autobusean isiltasuna / lurrina kristalean”, baina oraingoan Durangora bidean. Askatasun doinuak, askatasunari beharrean, askatasunean abes ditzagun hurrengoan. Eta ezin bada horrela izan, zuek lasai, pazientzia osoz itxarongo zaituztegu. 40 minutuz zein 40 urtez.