Baina Aste Santu hau aste tragikoa izan da erabat. Genero-indarkeriak 8 biktima utzi ditu: 7 hildako eta 1 ospitaleratuta. Ezin gara beste alde batera begira jarri; aurre egin behar diogu terrorismo matxistari.
Terrorismo matxistak biktimak hiltzen zituen bitartean, Guardia Zibilak iragarki bat argitaratu zuen Twi-
tter kontuan, eta parekatu egin zituen emakumeen aurkako indarkeria matxista eta gizonen aurkako indarkeria. Txio hori argitaratu duenak ez daki zer den genero-indarkeria, ezta hurrik eman ere. Zer-nolako prestakuntza du txio hori idatzi duenak? Zer-nolako sentsibilitatea?
Argi dago premiazko neurriak hartu behar ditugula, eta askoz ere heziketa, prestakuntza eta sentsibilizazio gehiago behar dela. Jendarte honek aurrera egin behar du, ohiturak eta patriarkatua atzean utzita.