Horretara lan egin dogu EAJko kideok betidanik. Gutariko bakoitzarentzat bere Udalerria lehentasuna da, baina jakin badakigu Durangaldearen etorkizuna gurea be badala, eta, guztion lana elkartuz gero, errazagoa dala aurrera egitea. Horrexegaitik hilaren 19a egun berezia izan zan, hain zuzen be, egun horretan bertan Durangaldeko herrietan gure zerrendaburuak aurkeztu genduzalako, non eta Landako Gunean. Argi eta garbi, beste alderdi batzuek ez bezala, hautagaiaren ezkutaketan jokatu barik.
19an gure hautagaiak aurkeztu genduzan. Bertako pertsonak, ezagunak, gure gizartean errotuak. Zintzotasunez jarduteko konpromisoa hartu daben andra-gizonak, eta, politika gaitzesten dan giro honetan, aurrerapausoa emoteko gertu dagozan gizon-emakumeak. Eguneroko lanean euren ahalegina jartzeko prest dagozanak. Gure eskualdearen etorkizuna amestu eta berau egia bihurtzeko gogotsu dagozanak. Durangaldea haziarazi.