Ura agentziako iturriek argitu dutenez, bertaratu zirenean ez zuten ezelango isuririk aurkitu, eta urak kolore normala zuen. Beraz, agentziako arduradunek ez zuten ur laginik hartu aztertzeko. Bizkaiko Aldundiko Ingurumen Saila izango da ikerketagaz aurrera jarraituko duena, baina oraindik ez dute gertatutakoaren arrazoirik aurkitu, eta ezin dute baieztatu isuririk egon den ala ez.
Errekako uraren gainean hiru hilerik behin jasotzen duten txostenaren zain dago Izurtzako Udala, gertatukoari buruz gehiago jakiteko. Edozelan ere, Lorea Muñoz alkateak errekak garbi mantentzeko eta ingurumena errespetatzeko deia egin du.