Arriaundi enpesako beharginek protestan jarraitzen dute. Apirilean lehertu zen arazoa, enpresak pastelgintza saila itxiko zuela iragartzerakoan. LABek protestak hasi zituen uztailean, eta sail horretako behargin guztiek 22 eguneko greba egin zuten. Azkenean, enpresa atzera bota da, LABekoen ustez “presio eta borroka sindikalagatik”. Baina, proposamen berria ere ez dute ondo ikusi. Hamalautik bost behargin bakarrik subrogatu ditu enpresak, pastelgintzatik okindegira pasatuz, eta subrogazio hori orokorra izatea exijitu du sindikatuak.
Okindegian ere arazoak izan dira. Soldata murrizketa iraunkorrak ezarri zituzten ELA eta CCOO sindikatuekin adostuta, eta LABek epaitegira eroan du gaia. Gogoratu dute, egutegia eta aparteko soldaten gaiak ere epaitegira eroan zituztela, eta irabazi dituztela.
“Enpresak jarrera aldatu behar du”, diote LABekoek. Negoziaziora batu eta “inposaketa eta txantaiak” alboratzea eskatu dute.
