Garaikoa zabaltzeko, gotzaindegiak alokatuta hartu dute sakristauaren etxea. Basque Eusk egitasmokoak dira arduradunak; diasporako euskaldunekin ibilbide turistikoak egiten dituzte, eta erreferentzia puntu lez erabiliko dute landetxea. Baina edozeinek joan ahalko du bertan lo egitera, erabilera zabalekoa da eta. Zortzi logela dauzkate prest Garaikoan.
Bestetik, Aboiz jatetxe eta hotela jaso dituen Arroitabeiti baserria ezaguna da Durangaldean, urtetan atzera animaliak osatzeko zentroa egon zelako bertan, zoologiko lez ere ezaguna izan zena. Otordu eta ospakizun handiak egiteko prestatu dute baserria, eta bertan lo egiteko aukera ere egongo da. Zazpi gela daude erabilgarri, arduradunek azaldu dutenez.