Erreplika izan arren, lapurretari garrantzia eman dio Idoia Buruaga alkateak, eta herritarren aurkako lapurreta dela dio: “Argiñetako nekropolia Elorrion eta Bizkaia osoan dugun altxor nagusienetarikoa da, beraz guztion ardura da hura ondo zaintzea”.
Euskal Herrian, Goi Erdi Aroko hilobi eta hilarri kopuru handiena dagoen gunea da Argiñetakoa. Baselizan hamahiru hilarri daude, eta kanpoan bost, interes handikoenak. Horietako batean egin dute lapurreta.
