Idoia Buruaga alkateak azaldu duenez, ez da agertuko aktak sinatzera. Uko egiteko arrazoia legearen araberakoa izango da; akta, desjabetuko den lurrean bertan sinatu behar dela esaten du legeak. Urri amaieran ere aktak sinatzeko deialdia egon zen, eta udalak jarrera bera eduki zuen.
EH Bilduko gobernu taldeak adierazi du ez duela “erraztasunik eskainiko” prozedura horietan. Gainera, Abiadura Handiko Trenaren proiektua “inposaketa bidez” aurrera eraman izana salatu du Buruaga alkateak.
Zati bakarra eraikita
Elorrion lau zati ditu AHTaren ibilbideak, eta, oraindik, bakarra dago eraikita. Obren “jarraipen zorrotza egin” eta kaltetuei laguntza tekniko zein juridikoa eskaintzeko asmoagaz, udalak batzorde berezi bat sortuko du.