Errebonbillo kalea, beharbada, oinezkorik gehien dabilen kalea izango da, erabat arriskutsua, duen zebrabide eskasagatik, eta txarto aparkatutako autoengatik. 2015ean Errebonbillo kalean gobernu berriak piboteak jarri dituenean, aldiz, auzotar batzuek salaketa jarri dute, eta ez dute ikusi nahi, pibote horiek, tabernariek legez egindako terrazaren eskariari erantzun ez ezik, oinezkoen segurtasunari ere erantzun nahi diotela. Beraz, Idoia Buruaga alkate andrea, Urarka kaleko bizilaguna naizen aldetik, honakoa eskatzen dizut:
a) Errebonbillo kaleko irisgarritasuna aztertzean, autoen irisgarritasuna ez ezik, oinezkoen segurtasuna ere kontuan hartu.
b) Oinezkoek errepidea zeharkatzean, segurtasuna bermatuko lukeen zebrabide nagusi bat jartzeko aukera paregabea aztertu, Erreka kaletik Urarkara doan zatian, hain zuzen, gaur zubi gaineko aparkaleku bihurtua den errepidean.
c) Behingoz, dagoen zebrabide eskas eta arriskutsu hori kendu, txarto aparkatutako autoen eraginez, oinezko edo umeren bat auto batek aurretik eroan baino lehen.
Kontuan hartuko duzulakoan, adeitasunez,
Txus Arrieta Barinagarrementeria, Urarka kaleko bizilaguna (Elorrio)