Astelehenean Lur Basterretxeak Tanzanian bizitako kontuak ekarriko ditu Elorriora: Kilimanjaro mendira egindako igoeragaz batera, hango bizilagunekin izango esperientziak kontatuko ditu.
Martitzeneko filmak Etiopia neta hango Jinbar urjauziaren magalean dagoen arroilean barrena bizitako abenturak erakutsiko ditu. Lau egun eman zituzten arroila irekitzen. Ondoren, Javier Ruiz de Zubicoak emango ditu bidaiaren xehetasun gehiago.
Eguaztenean Irati Anda eskalatzailea etorriko da Elorriora. Hamarkada bat harkaitz artean izeneko proiekzioak eskalatzaile gasteiztarraren ibilbidea errepasatuko du.
Egueneko emanaldiak Laponian (Suedia eta Norvegia artean) egindako eski zeharkaldi baten berri emango du. Espedizioak hiru elorriar izan zituen tartean. Alberto Agirreazaldegi etorriko da azalpenak emateko.
Barikuko filmaren gaia hiru mendizalek Groenlandiara egindako bisita izango da. Belauntzi batean Groenlandiako kostaldea zehartu eta hainbat tokitan eskalada bideak ireki zituzten. Kepa Escribano espedizioko partaidea izango da Elorrion.
Hitzaldi denak 19:30ean hasiko dira. Irati Andarena Gaztetxean izango da; gainerako denak Iturri kultur etxean.
Emanaldiez gainera, bigarren eskuko mendi materialaren merkatua egingo dute eta argazki erakusketa bi ere antolatu dituzte: Anboto mendiko buzoia jarri zuteneko 100. urteurrenari eta Erdellako ekitaldiei buruzkoak.
