Amestutako Elorrio Egin lemapean garatuko dute prozesua. Udal gobernuaren gestioan aldaketa bat suposatuko du planak; izan ere, udalek urteko aurreikuspenen arabera lan egiten dute normalean, eta Elorrioko kasuan, lau urteko perspektiba eman gura diote. Buruagak ikuspegi berri hori azaldu du: “Urteko aurrekontuak plangintza baten baitan egon behar du”. Edozelan ere, urteko aurrekontua lantzerakoan ere herritarren iritzia ezagutuko dutela dio Buruagak. Gainera, gainerako udal taldeak parte hartzera gonbidatu ditu: “Elorriok irabaziko du denon artean eginez gero”.
batzarretan parte hartzeko deia egin diete herritar guztiei: “Egunerokotasunak sortzen dituen arazoez gain, guk Elorrio sendo eta egonkor bat nahi dugu; anitza, aberatsa, erakargarria, euskalduna eta parte hartzailea".
Hauxe da batzarren egutegia:
Azaroak 10: Gazetan, 18:30ean. Aldape, Berrio, Iguria eta Urkizuaraneko bizilagunekin batera.
Azaroak 12: Miotan, 18:30ean. Berriozabaleta eta San Agustinekoekin ere.
Azaroak 19: Argiñetan, 18:30ean. Zenita, Mendraka, Gaztañeta, Lekeriketa eta Araunetakoak ere gonbidatuta daude.
Azaroak 17: Herrigunean, 14:30ean eta 18:30ean, Iturrin.