Orain arte udaletxeko beheko aldean egon dira udaltzainak. Baina leku horretan Herritarren Arretarako Zerbitzua (HAZa) ipintzea erabaki zuen udalak, eta, beraz, udaltzaingoarentzako espazio berri bat behar zuten. Buzkantz kaleko lokala Laboral Kutxa enpresarena da, eta udalari hamar urterako alokatu dio.
Udal arduradunek azaldu dute lokalaren obrak 116.000 euroko kostua eduki duela, hasieran aurreikusitakoa baino %38 gutxiago. Horrela, aurreztutakoaren parte bat altzariak erosteko aprobetxatuko dutela esan dute.
HAZaren lanak
Bestalde, Gizarte Zerbitzuekin lotutako abisua ere zabaldu dute. HAZaren lanek irauten duten bitartean, Gizarte Zerbitzuetako gestioak Buzkantz kalean egin beharko dira, udaltzaingoaren bulego berrian.