Haur kategoriako sei futbol taldek Gabonetako Futbol Txapelketa jokatuko dute Elorrioko Eleizalde zelaian abenduaren 27an. Taldeak multzo bitan banatuko dituzte: A multzoa Elorrio, Athletic Club eta Lakua Gasteiz taldeek osatuko dute; B multzoa Santanderko Racing, Errioxako Berceo eta Pamplona futbol taldeek.
Goizean sailkapen faseko sei partidu jokatuko dituzte. Horietako batean Elorrio eta Athleticeko gazteak neurtuko dira. Multzo bakoitzeko aurreneko bi taldeak 15:45etik aurrera jokatuko diren finalerdietarako sailkatuko dira. Bi talde onenen arteko finala 18:00etan hasiko da.
Sarrera hiru euro izango da; euro bi futbol taldeko bazkidea denarentzat. 21urtetik beherakoentzat sarrera doako izango da.
Honako hauek dira sailkapen faseko partiduetako ordutegiak:
09:30; Elorrio-Lakua
10:10; Pamplona-Berceo
10:50; Athletic-Lakua
11:30; Santanderko Racing-Berceo
12:10; Athletic Club-Elorrio
12:50; Santanderko Racing-Pamplona