Durangaldeko eta Debagoieneko hainbat txoko jaso zituen Jose Luis Alvarez Arruabarrena (Elorrio, 1924 - Donostia, 2011) margolariak, besteak beste, bere koadroetan. Basoak, nekazal guneak, baserriak, zein kostaldeko paisaiak ere margotu zituen bere ibilbide artistikoan zehar.
Galdategietan piezak diseinatzeko marrazketa teknikoa lantzen hasi zen oso gaztetan, eta ondoren, Iruñeako arte eskolan ikasi zuen marrazketa artistikoa. Bere margolanek sosegua, bakea edota oreka bezalako sentsazioak eragiten dituzte.
