Ferixa Nausikoetarako nobedadeen artean, aurten su artifizialak berreskuratuko dituztela nabarmendu dute jaien antolatzaileek. Era berean, umeei zuzendutako ekintzak ugaritu egingo dituzte. Horretarako, animazioz betetako hiru erromeria izango dira. Gainera, aurten tren txu-txua eta tobogan erraldoia ere izango dira.
Urtero jendetza biltzen duten ekitaldiei eutsiko diete aurten ere. Sukalki Eguna, helduen eta umeen danborrada, karrozen jaitsiera, bertsolariak eta beste hainbat ekitaldik egitaraua biribilduko dute.
Atsoak eta astoak
Joseba Attard eta Aiert Zubigarai dira jaiak iragarriko dituen kartelaren egileak. "Parte-hartzea eta jaien alaitasuna" islatu gura izan dituztela azpimarratu du Attardek. Jone Guenetxea Anboto astekariko zuzendariak 500 euroko saria eman dio jaien aurkezpenean Attardi.