Zapatuan, 17:00etan eskainiko dute emanaldia; eta 13:00etan eta 18:00etan izango dira domekako emanaldiak. Doako sarrera edukiko dute, eta San Jose ermitan izango dira emanaldi guztiak.
Hiru eta zortzi urte arteko umeentzako sorturiko lana da Arrapaladan antzerki taldearen Ate debekatuaren ostean, eta Nora izeneko neskatoa du protagonista. Ikusleak ate debekatua zeharkatzera gonbidatuko dituzte Norak eta Mikaela kontalariak.
Sonia Villamor aritu da Ate debekatuaren ostean obra zuzentzen, eta Maritzi Baseta, Maria Herrero, Blanki Gomez eta Karmele Ganboa dihardute aktore lanetan.