Bihar, DJ Zirkinen musikak girotuko ditu iluntzea eta gau partea. Era berean, munduko ipuin kontalariak Arriolan bilduko dira, 22:00etan. Gauerdian, Summun Arten DJ & VJ Set arituko dira gaztetxean.
Zapatuan, pilota partiduak izango dira arratsaldean, eta iluntzerako eta gauerako, Luhartzek erromeria ekarriko du Errekakalera. Gaztetxean, 23:00etan, Skontra eta The Potes taldeek eskainiko dute kontzertua, Gauerdian Summun Art izango da Ateneoan.
Domekan, bigarren eskuko, artisautza eta Elorrioko baserritarren produktuen azoka izango da goizean. Eguraldi txarra egiten badu 60 postu inguru batuko dira elizpean; ona egiten badu 150 postu izango direla kalkulatu dute antolatzaileek. Arratsaldeko 17:30ean, Besaide dantza taldeak dantza emanaldia eskainiko du plazan.