Emakume kirolarien irudiak bildu dituzte Elorrioko Iturri kultur etxeko argazki erakusketan. BBK Fundazioak babesturikoa da erakusketa, eta emakume kirolari horiei omenaldia egiteko helburuz antolatu dute. Martxoaren 12ra arte izango da erakusketa ikusgai, Elorrioko kultur etxean. Aitzindari izan ziren emakume kirolarien argazkiekin bisitariaren oroimena piztea da antolatzaileen helburua. “Benetakoa den, baina gutxitan kontatu izan den istorioa” azaleratu gura dute.
Dokumentala eguaztenean
Era berean, emakumeen istorioa da gai sozialei buruzko Hilean Behin zikloak martxorako dakarrena. Martxoaren 12an, Elorrioko Iturri kultur etxean emango dute 2012an ekoitziriko Rafea eta Eguzkia filma.
Rafea emakume beduinoaren istorioa kontatzen du Jehane Noujaim eta Mona Eldaief egiptoarrek zuzenduriko lanak. Jordaniako basamortuko herririk pobreenetako batean bizi da Rafea bere lau alabekin. Alfabetatu bakoa den arren, Indiara bidaiatu eta eguzki ingeniari izateko prestatuko da. Tradizio injustuen aurrean hezkuntzak duen boterea erakutsiko du.