60 bat upategik parte hartuko dute azokan, eta 20 bat delicatessen postu ere egongo dira. Jaki ia guztiak txingarretan egingo direla da aurtengo nobedadeetako bat. “Kalitatezko txuleta izango da plater nagusia”, esan du Uribek. Olagarroa eta hanburgesak ere, besteak beste, txingarretan prestatuko dituzte. Jantokiari dagokionez, “zerbait informalagoa” eskaintzea erabaki dute. Bestalde, gazure –serum– krema izango da produktu berrietako bat. Aurkezpena eta dastaketa egingo dute bertan.
“Azoka didaktikoa” izatea da helburua, eta, horregatik, hainbat dastaketa egin ahalko dira; horietako batzuk Saltsaneko sukaldarien eskutik. Uribek gogoratu du azokako produktuak euren dendan eskuratu ahalko direla urtean zehar ere.