Iberdrolak milioi bat euro baino gehiago jasotzen ditu Durangoko ditu publikotik, faroletara edota eraikinetara argindarra eramatearren. Udalak energia guztia enpresa horregaz kontratatu duela esan du koalizioak, eta ordainetan "inolako gutxieneko etikorik exijitu barik". Horrez ordez, energia elektrikoaren zerbitzua lehiaketara ateratzea proposatu du EH Bilduk; bere arabera, orain arte ez da lehiara atera, eta hori "modu alegalean" dagoela uste du.
Lizitaziorako hiru ezaugarri ipini ditu proposamenean. Lehena, energiaren %100 berriztagarria izatea. Bigarrena, enpresak potentzia aztertzea, kontsumoaren beharretara egokitzen den edo ez ikusteko. Hirugarrena, enpresak arreta pertsonalizatua eta berbaldiak ematea herritarrei.
Dani Maeztuk azaldu du energia berriztagarrien aldeko plataforma bat sortuta dagoela, eta Busturia, EA edota Artea lako herrietan eredu hori ezartzen hasi direla. Zerbitzua emateko, Goiener eta Som Energia kooperatibak ipini ditu adibide lez.
