Gaur goizean Donostiako Kursalean izan den txapelketaren finalera Kortabitarte anaiek Rulo de luma gorri con hongos deituriko pintxoa aurkeztu dute. Azaldu dutenez, “jatetxetik hurbil baserri bat daukagu eta bertako produktuengatik apustua egin dugu, oilaskoaren balioa indartu, eta sasoia denez, onddoekin lagundutako pintxoa sortu dugu”.
Txapelketa honetan parte hartzen duten bederatzigarren aldia izan da eta finalera heltzen diren hirugarrena. 11.edizio honetan parte hartu duten 80 taldeetatik hamar heldu dira finalera.
Finalean, Brouillarta (Donibane Lohizune), Sardara (Hondarribia), Kobika (Durango), Cafe Iruña (Iruña), Zazpi (Donostia), La Cocina de Alex Múgica (Iruña), Iruñazarra (Iruña), Danako (Irun), La Regadera (Gasteiz), eta Gran Sol (Hondarribia) lehiatu dute.
Pintxo irabazlea Hondarribiko Sardar jatetxearena izan da eta 3000 euro saria eraman dute.