Goitiandia zornotzarra da baina bere errugbi ibilbide osoa Gernikan egin du jokalari zein entrenatzaile moduan. Duela bi urte Oskar Astarloarekin batera Gernikako lehenengo taldea gidatu zuen. Aurten batez ere hiru laurdenetako lerroaz eta prestakuntza fisikoaz arduratuko da. Bestalde, Ricardo Acosta Fisa-k, iaz Oskar Astarloaren laguntzaileak, 18 urtez azpiko taldearen ardura hartuko du.
Durango Rugby Taldeko senior mutilek euren entrenamenduak aste honetan hasi dituzte eta horrekin batera berrikuntza hauek ere heldu dira. Klubeko beste taldeek hurrengo asteetan hasiko dituzte euren entrenamenduak.