Mañariko autobusa Tabiran geratzea lortu ostean, koalizioak auzo batzarretan eskatutako aldaketa berriak proposatuko ditu, "garraio publikoa gehiago erabili dadin eta herritarrei egunerokoa ahalik eta erosoena egin asmoz". Alde batetik, autobus horren maiztasuna handitzea gura du, eta Larrasoloetan ere beste geraleku bat edukitzea.
Bestetik, Ondarroatik Bilbora doan autobusa San Fauston ere geratzea eskatuko du. Izan ere, San Faustoko biztanleek auzotik bertatik Galdakaoko ospitalera edo Bilbora joateko duten zerbitzu bakarra herririk herri doana da. Modu horretan, A-8 autobidetik joango lirateke aipatutako lekuetara.