Murgian (Araba) ospatu da 'Miniature' kongresuaren edizio berria, eta Kortabitarte anai durangarrak sari eta guzti bueltatu dira handik. Itsaski paellaren esentzia osoa batu dute pintxo baten, eta partaideen dastaketan gustukoena izan da. Bigarren pintxo bat ere aurkeztu dute, kakaozko foie, zanakanela gela eta sagar-ogiagaz egina. Sukaldariek pintxoak azaldu egin dituzte lehenik, eta mahaira eraman gero. Nazioarteko sukaldariek ere parte hartu dute, hala nola, Mexikotik etorritakoek.
Lehen aldiz irabazi dute sari hau Kobikakoek, eta pozik itzuli dira kongresutik. Baina, aurretik beste hainbat sari ere irabazitakoak dira, Bizkaiko edo Euskal Herriko pintxo txapelketetan, besteak beste.
