Musikarien zaindariaren egunaren bueltan hainbat ekitaldi izango dira, asteburuan

Anboto 2015ko aza. 20a, 11:00

Azaroaren 22 musikarien zaindarien, Santa Zezilia, eguna dela aintzat hartuta, astebururako hainbat ekintza antolatu dituzte Arandoño Kultur Elkarteak, Durangoko Orfeoiak, Musika Bandak, eta Musika Eskolak.

Gaur, esaterako, 20:15ean, Haizea eta ura dokumentalaren emanaldia izango da, Santa Ana elizan. Jose Luis Echechipia organojoleak zuzenduriko dokumentala da aipaturiko hori.

Bihar, 19:00etan, Durangoko Orfeoiaren txanda izango da. Zezili Deunaren omenez, meza abestua eskainiko dute, Fernando Urainen zuzendaritzagaz.

Domekan, musikarien zaindariaren egunean, kalejira egingo du Tabira Musika Bandak. 13:00etan hasiko dute kalejira, Jesús Castillejoren zuzendaritzapean. 

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!