Ekainaren 7an Berriozarren egingo dutena elkartasun lasterketaren hirugarren edizioa izango da. Durangaldeko taldeak ohar bidez azaldu duenez, "korrika eginez, euskal errepresaliatu politikoen eta beraien gertukoen eskubideen alde elkartasuna gauzatzeko ekimena dugu Lasterbidean. Etxetik urrun daudenak etxera ekartzeko bidea irudikatu nahi dugu bertan ospatuko diren lasterketa herrikoien bitartez".
Durangon, Andra Mariko elizpea baliatu zuten zapatuan ekimenaren berri emateko. Bertan, korrika egiteko zinta baten jendeari "elkartasun pausuak emateko aukera" eman zieten, eta Lasterbidean-eko informazioa banatu, izen-emateak egin eta kamisetak saldu zituzten.
Ekainaren 7rako egun osoko egitaraua antolatu dute Berriozarren. Informazio guztia www.lasterbidean.eus webgunean dago.