Ekimen honen arrazoiak azaltzerakoan, EH Bilduko zinegotziek diote "oso adierazgarria" dela 2014 urteko osoko bilkuretan gertatutakoa: "Mozioak aparte utzita, osoko bilkuretara gobernuak ekarritako erabakiak hauek izan ziren; 4 hitzarmen, 2015 urterako ordenantza fiskalak, baserri bat erostea, kreditu aldarazpen bat eta 12 tramitezko erabakiak. Guztira 19 ekimen. Soilik EH Bildu, gobernu ardura eduki barik, 18 mozio aurkeztu zituen. Benetan adierazgarria. Oposizio izanik, ekimena hartu behar izan dugu, gobernu taldearen ekimen faltaren aurrean. Ez dira izan kapaz, ezta aurrekontu proposamen bat aurkezteko. Era horretan lau urteko legealdi batean, soilik urte batean aurkeztu dituzte aurrekontuak. Baina hori gutxi balitz, gainera, osoko bilkuretan onartzen ziren mozioak ez ditu bete gobernu taldeak". Gaineratu dutenez, gonbita helarazi nahi diete Durangar guztiei, osoko bilkura aretora joateko bilkura hori zuzenean jarraitzeko.