Martxoaren 31

Martxoak 31

Anboto 2015ko mar. 31a, 17:24

Durangoko bonbardaketako biktimak omendu dituzte hilerrian, 78. urteurrenean. Erakundeetako eta alderdi politikoetako ordezkariez gainera, hainbat herritar gerturatu dira goizeko ekitaldira. Besteak beste, Aitziber Irigoras Durangoko alkatea, Jose Luis Bilbao Bizkaiko ahaldun nagusia, Enrique Ullibarriarana Jaurlaritzako Biktimen Zuzendaritzako aholkularia eta Idoia Mendia PSE-EEko idazkari nagusia izan dira hilerrian.

 

Aitziber Irigoras alkateak bere berbaldian azaldu duenez, "horixe da gure lana. Iragan tragiko hura gogoratu. Ausardiaz aztertu eta ezarri. Minak sendatu eta bakea eraikitzeko zutabeak sendo jarri".

Urtero legez, arratsaldeko 20:00etan Andra Marian bonbardeta gogora ekartzeko ekitaldia antolatuko dute.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!