Ekarpenak agerian
Kulturan, jendartean, arlo politikoan, zientzietan, enpresa munduan eta euskararen zabalkundean emakumeek egin dituzten ekarpen garrantzitsuak agerian jartzea eta zabaltzea da Berdintasun Kontseiluaren eta udalaren helburua. Izenak proposatzeko hiru irizpide eman dituzte. Batetik, Euskal Herrikoa izatea –Durangogaz edo Durangaldeagaz edukitako lotura lehenetsiko da–. Bigarrenik, hilda egotea. Hirugarrenik, berdintasunaren alde lan egin edo feminista izatea.
Udalak eta kontseiluak herritarrak animatu gura izan dituzte izenak proposatzera. Jasotako ekarpenekin, emakume izena ipiniko diete, besteak beste, Durangoko kale, plaza, eraikuntza eta parkeei.