Eusko Jaurlaritzak irakasteko metodologia berri hori abiatzeko iaz aukeratutako bost ikastetxeetako bat Maristak izan zen. Durangoko ikastetxeak egin izan duen metodologiaren jarraipen bat da. Metodologia hori apurka beste ikastetxeetara zabaltzea da asmoa. Horretarako, Maristak ikastetxearen urtebeteko esperientzia gertutik ezagutu gura izan dute 50 irakaslek. Atzo etorri ziren Durangora eta bertatik bertara ezagutu zuten esperientzia. Maristetako irakasleen ahotik azalpenak entzun eta dudak argitu zituzten.
Ikasleek ziklo bakoitzean lortu behar dituzte Gaitasun Teknikoez gainera, Etekin Handiko Zikloaren bidez (ETHAZI) beste Zeharakako Gaitasun batzuk ere lantzen dra, beti ere lan etorkizunerako baliagarriak izango direnak: talde lana, komunikazioa, ikasten ikasteko gaitasuna… Proiektu honen ezagurri nagusienetako bat talde lana da; taldeak duen indarra erabiliz, markatutako helburuak lortzen ikasi behar dute ikasleek, bakoitzak duen ahalmena taldearen zerbitzura ipiniz, garrantzitsuena ikastea dela ahaztu gabe.