Standa bihar iritsiko da Durangora eta Andra Mariko arkupetan egongo da, ateak zabalik dituela, 10:00etatik 18:00etara.
Kanpaina honekin Eusko Jaurlaritzak alokairu sozialera bideratzeko etxebizitza hutsak mobilizatu nahi ditu, Alokabide egitasmoaren bitartez. Izan ere, EAEn 80.000 dira hutsik dauden etxebizitzak, eta Alokabideren esanetan, erdiak bideratu daitezke alokairura. Horrela, nahi duen hiritar orok etxebizitza bat alokatzeko aukera izango luke, Eusko Jaurlaritzaren berme osoarekin, hileroko errenta bermatuz eta etxebizitza egoera onean itzuliko zaionaren ziurtasunarekin.
Alokabidek etxebizitza hutsen jabeak egitasmo honetaz informatzeaz gain, parte hartzera animatu nahi ditu.
Interesatuta dauden etxe hutsen jabeek Durango Eraikitzenen bulegoetan (Lariz Torre kaleko 2an) edota 946 030 019 telefonora deituta jasoko dute informazio gehiago.