Olio pinturagaz landutako 32 lanek osatzen dute bilduma. “Erakusketa honetan, batez ere, Durango eta Durangaldeko gaiak lantzen ahalegindu naiz”, adierazi du egileak. Hala ere, Bizkaiko kostaldeko, Arabako eta Burgos iparraldeko paisaiak ere agertzen dira erakusketako margolariaren lanetan.
Ezkurdi aretoan eta Villarcayon (Burgos, Espainia) ere erakutsi izan du Okinak bere lana. Beste artista batzuekin batera, Durangoko eta Bergarako artisten elkarteen erakusketa kolektiboetan parte hartu izan du.