Musika eskolako talde instrumentalek hartuko dute elkartasun kontzertu horretan parte: Orkestra Gazteak, txikien eta gazteen bandak, Gehi Zazpi biolontxelo taldeak eta sokazko folk musika taldeak joko dute. Guztira, 70 ikaslek hartuko dute emanaldian parte.
Ezgaitasun intelektuala eta premia bereziak dituzten pertsonen bizi-kalitatea hobetzeko helburua gauzatzen laguntzeko, Geu Be elkartera bideratuko dute ekitaldiaren irabazia. Ekarpena egin gura duenak, nahi beste sarrera birtual erosi ahalko ditu, Kutxabank-en kutxazainetan zein interneteko gunean, zein Durangoko Arte eta Historia Museoan; sarrera bakoitzaren prezioa da Geu Be laguntzeko emango duguna. Sarrera, beraz, ez dugu jesarlekua gordetzeko hartuko, baizik diru hori elkarte hori laguntzeko.