Badirudi 2015erako udal tasa eta zergak bere horretan, igo barik geratuko direla. Izan ere, hori proposatu du PSE-EEk, eta EAJko gobernu taldeak ere gauza bera aurkeztu zuen lehenago. Gehiengoa dutenez, udalbatzarrean ideia hori onartuko litzateke.
Baina nobedade handiena PSE-EEk berdintasunaren arlotik plazaratutakoa izan da. Ordenantzetan genero ikuspegia sartzea gura dute, emakume eta gizonen egoerak kontuan hartzeko, eta horren arabera tasak gestionatzeko. Adibidez, indarkeriaren sexistaren biktimei Ondasun Higiezinen gaineko Zergan eta beste zenbaitetan hobariak ematea proposatu dute. "Ordenantzak eta aurrekontuak aukera berdintasuna lantzeko erreminta onenak dira", esan du Ríosek.
Bestalde, "justizia sozialari" begirako ordenantzak izatea ere eskatu dute sozialistek.