Natxo Martínez zinegotziak esan du jende asko egon dela lehenengo asteburuan: “Eguraldia ona denean, jendea ekitaldietara animatzen da”. Balorazio positiboa egin du, eta ostalariak ere pozik ikusi ditu. Asteburu honetan gauzak bide beretik joatea espero du.
Jaietako gertaera txarren artean, astelehenean emakume batek salatu zuen sexu erasoa nabarmendu behar da. Udalak erasoa gaitzetsi, eta emakumea babestu du.
Barraketarako txartelak
Bestalde, EH Bilduk barraketarako txartelak banatu ditu Facebooken bitartez. Dioenez, udal taldeei sarrerak ematen dizkiete, eta eurek jasotako 190ak herritarren artean banatu dituzte. Hurrengo urtean alderdi guztiek gauza bera egiteko eskaera ofizial bat sartuko dute udalean.
