Udalak azaldu duenez, 2010. urtean egin zuten aurreko inkesta, eta 7.53ko puntuazioa eman zioten erabiltzaileek liburutegiaren zerbitzuari, eta, beraz, puntu bat baino gehiago igo da erabiltzaileek liburutegiari emandako nota.
Jon Kepa Garro Astarloa kulturgintzako presidenteak adierazi duenez, "balorazioa bikaina da; harro gaude eta bide beretik jarraitzeko asmoarekin".
Inkestaren arabera, erabiltzaileek gehien baloratzen dituztenak, informazioari, irisgarritasunari eta tratuari dagozkion esparruak dira. Arduradunek azaldu dutenez, bestalde, jarduerei, fondoei eta eraikinari dagozkion hobekuntzak burutzen dihardute, inkestaren emaitzak aitzat hartuz.