Diruz lagunduko diren ekintzak Amankomunazgoko euskara zerbitzua dagoen herrietan garatu beharko dira: Abadiño, Atxondo, Berriz, Durango, Elorrio, Iurreta, Izurtza, Mañaria edo Zaldibarren. Egitasmoak kulturgintzan, informazioan, aisialdian edota familia bidezko transmisioaren esparruetan kokatu beharko dira, besteak beste. Partida osoa 15.000 eurokoa da.
Errotuluak eta webguneak euskaratzeko partidaren kasuan ere, euskara zerbitzua dagoen herrietara mugatuko da. 3.000 eurokoa da partida osoa. Gainera, diru-laguntza bateragarria izango da beste erakunde batzuek zeregin bererako ematen dutenagaz.