Basoa gaiari loturiko argazki bat aurkeztu ahalko du Begira Photo jaialdiaren deialdi honen parte hartzaile bakoitzak. JPG formatuan bidali beharko dira argazkiak, gehienez 1200 pixel eta 72 ppp-ko erresoluzioarekin.
Begira Photo jaialdiaren seigarren edizioa izango da aurten burutuko dutena, eta Durangon ezezik, erakusketak Iurretan, Abadiñon eta Zornotzan ere egingo dituztela da nobedadeetako bat. Antolatzaileek dagoeneko publikatu dute aurtengo erakusketa, aurkezpen eta berbaldien programazioa.