Esku pilotan Durangaldeko bost herrik parte hartuko dute: Elorrio, Atxondo, Iurreta, Zornotza eta Abadiño.
Elorrio eta Atxondo nobedadeak dira. Biek lehen errondan hasiko dute txapelketa Iurretagaz batera. Atxondok Usansoloren kontra jokatuko du; Elorrio Orozkorekin neurtuko da eta Iurretak Zeanuri izango du kontrario. Joaneko partiduak maiatzaren 1ean jokatuko dituzte; bueltakoak, maiatzaren 8an.
Elorrio eta Orozkoren kontrako irabazleak Zornotza izango du zain final zortzirenetan (maiatzak 15 eta 22). Abadiñok ere hurrengo errondan ekingo dio txapelketari Leioa-Sestao kanporaketako irabazlearen kontra.
Zesta txapelketan lau herrik parte hartuko dute eta Durango da horietako bat. Markina, Berriatua, Gernika eta lauren artean dago aurtengo txapelduna.