2014ko azaroan zabaldu zen Hontza museoa, Enrike Huertaren aspaldiko nahia errealitate bihurtuz. Huertak 37.000 ale zientifiko dauzka artxibatuta, eta horietatik 650 inguru daude ikusgai momentu honetan. Urtebetean, 2.300 bisitatik gora jaso dituzte; herritarrez gainera, taldeen bisitak ere hartzen dituzte, ikastetxeenak edota berbalagunenak, esate baterako. Eguneroko ordutegiaz aparte, zitak ere eskatu ahal dira.