Donostiako zinema jaialdiko Zuzendari Berriak sailean lehiatuko da Pikadero, 50.000 euroko saria emango duen sailean. Bikote euskaldun gazte baten istorioa kontatzen du Sharrocken zuzenduriko Pikadero filmak, eta Barbara Goenaga eta Joseba Usabiaga ditu protagonista nagusi.
Donostiako Zinemaldian estreinatuko dute, baita, Lara Izagirre zornotzarrak zuzendu duen Un otoño sin Berlin filma. Irailaren 21ean eskainiko dute film hori lehenengoz, Donostiako Victoria Eugenian ospatuko duten Euskal Zinemaren Galan. Zinemira sailean lehiatuko da Izagirreren filma.