Abadiñon, Navarroz gainera, Abadiñoko Independenteak taldeko eta EAJko bana lanaldi erdira egongo dira, bakoitza 22.000 euroko soldatagaz. Zornotzan ere beste bi egongo dira, 55.000 eta 37.000 eurogaz. Durangon, alderdi bakoitzak liberatu bat du, eta 56.000 euro jasoko dute.
Herriaren Eskubidea alderdiak (Podemos) nobedadea dakar Durangora. Soldata bakarragaz, zinegotzi bi liberatuko dira lanaldi osora, irailean, eta, gainera, egokitzen zaiena baino gutxiago kobratuko dute. Julián Riosek esan du euren “kode etikoaren” arabera, gehienezko soldatak ezin duela oinarrizko soldataren hirukoitza gainditu. Soberakina, alderdian barik, Durangoko mugimendu eta behar sozialetan inbertituko du. EH Bilduk ere topea du soldatetan, eta zinegotziek berezko lanean kobratzen dutena hartzen du erreferentziatzat normalean.
Otxandion atzo erabaki behar zuten gaia (ANBOTOk edizioa itxi ostean), eta Elorrion egunotan egingo dute. Buruagak esan du bi liberatuko direla, baina “orain arte baino gutxiago kobratuz”. Mallabiko Igor Agirrek %4,5 bajatu du soldata.
SOLDATA GORDINAK:
DURANGO - EAJ Aitziber Irigoras: 73.000 euro
ZORNOTZA - EAJ Andoni Agirrebeitia: 67.000 euro
ABADIÑO - AI Jose Luis Navarro: 57.000 euro
IURRETA - EAJ Iñaki Totorikaguena: 55.000 euro
BERRIZ - EAJ Orland Isoird: 51.000 euro
MALLABIA - EAJ Igor Agirre: 50.000 euro
ZALDIBAR - EH Bildu Arantza Baigorri: 45.000 euro
ATXONDO - EH Bildu David Cobos: 23.800 euro (garbi)
IZURTZA - EH Bildu Lorea Muñoz: 21.000 euro (% 50ean)
MAÑARIA - EH Bildu Endika Jaio: 21.000 euro (% 73an)
GARAI - HT Gontzal Sarrigoitia: 18.600 euro (% 40an). (2016an jubilatu zenetik ez du soldatarik kobratzen)
ELORRIO - EH Bildu Idoia Buruaga: Zehazteko
OTXANDIO - EH Bildu Urtzi Armendariz: Zehazteko