"Gure filosofia, birziklapenerako kontainerrak ahalik eta leku gehienetan egotea da, baina ez badira ondo erabiltzen, kendu egin beharko ditugu azkenean", esan du kezkatuta Zarrabeitiak. Kontainerrak egoki erabiltzeko deia egin du, eta bateren batek animaliak bota gura baditu, Base Gorrira (94 446 52 97) deitzeko eskatu du, eurek ematen dute-eta zerbitzua.
Zarrabeitiaren esanetan, bi aldiz agertu dira animalia zatiak. Baten ardienak, eta besteetan untxienak. Papera eta kartoiaren kontainerretan batzen dena Zornotzako planta batera eramaten du kamioiak, eta han topatu dituzte animalien gorpuzkiak. Ondorioz, ez dakite non botatakoak diren.