Aurtengo ikasturtean tabakoa erretzeari uzteko ikastaroetan 63 lagun hasi ziren, eta 47k amaitu dute. Horietatik 39k lortu dute tabakoa erretzeari uztea, Fernandezen esanetan.
Bestalde, ikastetxeetan ere prebentziorako berbaldi eta tailerrak egin dituzte. Lehen Hezkuntzako 362 umek eta Bigarren Hezkuntzako 534 gaztek jaso dute informazioa. Kerik Gabeko Gelak marrazki lehiaketa ere egin dute, eta Jesuitak ikastetxeko Gorka Rodriguezek eta Beñat Uriartek irabazi dute.
Prentsaurrekoan, tabakoak osasunarengan daukan eragin kaltegarriaz ohartarazi du Vicente Fernandez medikuak, baina ez erretzaileengan bakarrik, euren albokoengan ere bai. “Biriketako minbizia duten 100 lagunetik 90 erretzaileak dira, eta bost erretzaile pasiboak dira”.