Iaz ez bezala, aurten musika eskolako ikasleak izango dira kontzertuak eskainiko dituztenak. Gazteen musika bandak Pedro eta otsoa ipuina taularatuko du 5 eta 6 urtekoentzat. Lorena Rodriguez irakaslearen zuzendaritzagaz prestatu dute ipuin ezagun horren moldaketa. Orkestra gazteak eskainiko die, bestalde, hari instrumentuekin osatutako emanaldia 7 urteko entzuleei. Eunate Zarrabeitiaren zuzendaritzagaz prestatu dute hainbat estilo uztartzen dituen emanaldi hori.
Umeengan musikarekiko jakingura eta interesa piztea da programazio honen helburu.
Ikasleak orkestrara
Musika eskolako arduradunek azaldu dute Durangoko kontserbatorioko hainbat ikasle hartu dituztela Eusko Jaurlaritzak osatzen dituen gazte orkestretan jotzeko. Lide Etxebarria, Irene Goiri, Amaia Santana, Maite Azueta, Izaro Konde, Zihara Merino, Matxalen Ocariz, Jone Erzilla eta Martin Gabiria, hain zuzen.