Elorrioko Buskantza taldeko Maialen Bernas eta Ibone Simon, eta, Sasikoa Durango taldeko Oihane Larrinaga Euskadiko selekzioagaz jokatzeko hautatuen artean daude. Urtarrileko lehen asteburuan 21 urtez azpiko Espainiako txapelketako lehen fasea jokatuko dute Katalunian. Lehen faseko multzo horretan Katalunia eta Errioxa izango dituzte kontrario. Hiru taldeetatik aurreneko tokian geratzen dena igaroko da hurrengo fasera.
Datorren asteartean prestakuntza partidu bat jokatuko dute lehen mailan diharduen Estanda Ordizia K.E. taldearen aurka, 19:30etik aurrera, Ordiziako Majori kiroldegian.