Durangaldeko hainbat partaidek kantatuko dute Platerueneko hitzordu horretan: pianoaren laguntzagaz ariko da, batetik, Xaramel taldea, eta soinuagaz Abadiñoko eta Atxondoko kantariek osaturiko Anbotoko Sorgiñak taldea. Gainera, Amaiur Azkarate durangarrak bakarrik eta a capella kantatuko du, eta Ainhoa eta Paule Azpitarte zaldibartarrek ere parte hartuko dute Euskal Kantuzaleen Elkarteak antolaturiko emanaldian.