Atxondon afarian elkartzeko gonbita egin dute barikuan; Sare zer den eta bertako partaide izateko zer egin behar den azaltzeko aprobetxatuko dute. Durangon eta Elorrion, ostera, eztabaida sortzea erabaki dute. Durangoko hitzordua Plateruenean da, 10:30ean, eta Elorriokoa Arriolan, 16:30ean. Eguazten honetan Zornotzan egin berri dute aurkezpena, eta Iurretan ere bai duela aste bi.
Sarek euskal preso eta iheslarien etxeratzea ahalbidetu nahi du, eta, bide horretan, giza eskubideen errespetua hartu du eskaerak egiteko oinarritzat. Sarekide izateko deia egin die herritarrei, eta sakabanaketari buruzko liburuxka bat banatzeko deialdia egin du ekimenak.